OSTROROGIUS Constantinus

OSTROrOGIUS Constantinus

e ducibus Sigismundi I. Poloniae REgis, magnâ clade fudit Tartaros, A. C. 1506. Salom. Neigeb. Hist. Polon. l. 7. Ex qua nobilissima familia Iacobus Comes, Euangelium amplexus, aedes suas Poznaniae, in suburbio sacris contionibus dicavit, defunctus A. C. 1568. postquam Fratrum Confessionem Fidei Sigismundo Augusto Regi obtulisset. A. C. 1564. benigne acceptam et approbatam. Duravit Ecclesia haec Ostrorogana, quae prima in Polonia maiore doctrinam Euangelii amplexa est, per annos 86. usque ad A. C. 1636. quô cum 19. aliis, ab hostibus, dissipata est, templis ademptis. Vide Laetum in Comp. Hist. Univ.